Ангилал: Элдэв хачин

102 настай хятад эмээ сурахад хэзээ ч оройтдоггvй гэдгийг өөрийн биеэр vлгэрлэн харуулж байна. Хятадын Shandong мужийн Weshan Road Elementary School хэмээх бага сургуулийн нэгдvгээр ангийн 5 настай сурагчидтай тохой нийлvvлэн суралцаж байгаа Ma Xiuxian гэгч энэ эмээ 1908 онд төрж, 18 настайдаа гэр бvл зохион, есөн хvvхдийн эх болсон бөгөөд төрvvлсэн есөн хvvхдийнх нь долоо нь их дээд сургуульд суралцсан ба Ma эмээ хvvхдvvдийнхээ боловсролд зориулан өөрийнхөө vнэт эдлэлийг хvртэл худалдаж байжээ. Өдгөө 82 настай хамгийн том охин нь Бээжин хотын эмч юм байна. 13 настайгаасаа даавууны vйлдвэрт ажиллаж эхэлсэн Ma Xiuxian эмээ сургуульд суралцахыг бараг л бvх насаараа мөрөөдсөн гэнэ. Ангийнхаа ширээний хамгийн эхний эгнээнд суудаг Ma эмээ хичээлийн эхний өдрийнхөө төгсгөлд "Би маш их баяртай байна. Миний сургуульд явах юмсан гэсэн хvсэл энэ насанд минь ингэж биеллээ. Багш нартаа, ангийнхандаа баярлалаа. Би шаргуу сайн суралцаад, эх орондоо өөрийн хувь нэмрийг оруулах болно" гэж хэлсэн байна. Эмээгийн 58 настай бага хvv Yi Fengxin нь ээжийгээ сургуульд нь хvргэж өгч бас авдаг аж. "Би одоо сурах бичиг ашиглан сурах болно. Би өнөөгийн хvvхдvvдэд vнэхээр их атаархаж байна шvv" хэмээн хөгжилтэйгээр өгvvлэх энэ ануухан эмээгийн хичээлийн хамгийн чухал хэрэглэл бол сонсголын аппарат, томруулдаг шил гэнэ.