Ангилал: Элдэв хачин

АНУ-ын Maryland мужийн Eastern Shore хэмээх газарт Sam нэртэй нэгэн нохой өөрийн эзэн болох Mary Stadelbacher-ын хамт амьдардаг. Sam бол харахад энгийн л нохой боловч зураг зурж чаддаг гэдгээрээ дэлхийн бусад нохойнуудаас онцгой ялгаатай юм. Нохойны эзэн Stadelbacher далайн эрэгт амарч байгаа хvмvvсийг гэнэтийн осол аваараас аврах нохойнуудыг сургах зорилгоорShore Service Dog нэртэй газрыг нээж, дөрвөн жилийн өмнө Sam-ыг аврагч-нохой болгохоор авч байжээ. Гэвч харамсалтай нь тэрбээр баруун гараа гэмтээж, хагалгаанд орсон ч мэс засал амжилтгvй болсны улмаас энэ ажлаа цаашид vргэлжлvvлж чадаагvй ч Sam-ыг өөрийн vнэнч туслахаа болгож чадсан байна. "Би далайн гахай, заан зэрэг амьтдыг зураг зурж байхыг харсан, тэгээд нохой яагаад зураг зурж болохгvй гэж? гэж бодсон" хэмээн ярих Mary дээрх бодлоосоо vvдэн Sam-д зураг зурахыг заасан төдийгvй Sam ч шавийн vvргээ маш сайн гvйцэтгэж, гайхалтай абстракт зургуудыг зурдаг болсон байна. Нью-Йоркын хэд хэдэн галерейд vзэсгэлэнгээ гаргасан Sam нохойны зурсан зургийг урлагийн бvтээл цуглуулагч эрхмvvд худалдаж авдаг бөгөөд 1700 доллараар зарагддаг гэнэ. Mary зураач нохойныхоо тухай "Тэр зураг зурах их дуртай. Тэр олон өнгийн будагнуудаас эхлээд хамгийн бараан өнгөөр зурж эхлээд хамгийн сvvлд нь хамгийн гэгээтэй өнгөөр зургаа дуусгадаг" хэмээн бахархан өгvvлсэн байна.